The HELL & HEAVEN of Dee&Long

最近好像总是运气不太好

从放暑假到现在一直都很忙、很累

但实际上又一直都不知道在忙什么

好像不断在做豪无意义的事

我最近很需要的是钱

所以更加努力地去赚

找了很多工作

但到了现在

不是被人放飞机就是一直拖欠农民工工资

反正一直都是白干

不过说句心里话

如果抛开钱不说

还是做得很开心的……

但事实上我现在又确实需要赚快钱

矛盾冲突又来了

最近因为到处流浪

所以有时候迫于无奈常常要打扰吴同学跟徐同学

真的觉得很不好意思

但肯收留我这个倒霉鬼的朋友也确实不多了

总会想着哪一天真的要好好报答报答他们

在学校的晚上

总会让我胡思乱想

只要看着外面的一片天

就会感到无比的寂寞

所以还是觉得独居更适合我

前天——也就是10月13日的晚上

我参加了油画系的迎新

当然我留意的还是新生当中有没有美女

出乎我意料的是

当晚确实有不少美丽的新面孔

但是不是油画系还得多研究研究

不过最让我意想不到的

是我发现有一些新生的眼神很凌厉

这种眼神使我很兴奋

因为那种是充满了欲望的“可爱眼神”

那天晚上我真的喝多了

第二天醒来还是头昏目眩

事实上

那天晚上让我觉得无比痛快

算是这段失落时期的一瞬间满足吧

期待非常久的冬天一直都还没有来

每天还是如此的闷热

偶尔才能感到虚假的一丝凉意

到底还要等多久？？？？

开始有点窒息了

好久没有看电影了

只因为死穷鬼

饭都差不多没钱买了

当然没有多余的用在精神享受上

看来我的精神状态是没办法脱离物质

还是老老实实等待审判日吧

我相信幸运之神很快就会再回到我身边

一个美梦令我今日起得特别早

醒来时不自然地回想梦中一切

一个令我感觉到前所未有嘅舒服与安稳

就好似明确咗一D我需要寻觅但又被遗忘咗嘅感觉…………

我梦见一个阳光猛烈嘅中午

身处一个我未去过嘅地方

正准备下午一场跑步比赛

而呢个时候

我正依偎喺一个女人嘅肩膀上

两人训喺一张好大好舒服嘅床上

周围一切根本就完全被忽略

因为梦中带比我嘅只有嗰一刻安稳宁静舒服嘅感觉

回想起来

我都真係好耐都未试过训翻一个好觉

而梦中令我训得如此安静

可能我就係需要揾翻呢种被遗忘嘅平静感觉

仲记得嗰个女人讲咗一句话————

“好好养精蓄锐，一定会赢…………”

呢个时候我仲好记得我地只手抓得更紧

而我好似得到无比嘅安慰

缩得更紧感觉更舒服

（远远超出舒服感觉，唔识用言语表达）

好想时间永远停喺呢一刻

可惜佢一个转身将我从睡梦中唤醒

可惜可惜…………

我见唔到佢个样

究竟我嘅女神喺点样？？？？

前几日天气突然转凉

我仲以为我期待已久嘅冬天好快会到

点知今日气温又回升

不禁有D失望……………………

我老豆呢排身体有问题

最后证实係腰椎炎、颈椎炎加肺结核

因为生性懒惰

冇病时已经不出家门能知天下事

有病更加一日到黑与床为伴

终于

第三个女人要离开佢

一个结婚三次离婚三次嘅传奇男人

气数大概已经走到尽头

再加上佢一D人生希望都冇

此命大概不久已………………

呢几日沉迷《恶魔城月下夜想曲》

要爆机神早爆咗

觉得好玩係因为呢只97年嘅经典所存在无数有趣嘅bug

而用bug去挑战不断开发地图係其乐趣所在

目前开发度323.4%

离世界记录399.5%相差不远了

上个月将极品9完成度100%后又一挑战目标

最近睇翻《浪客剑心》

其主题曲令我上网揾咗好耐

终于揾到喺Judy And Mary嘅“そばかす”

仲揾咗好多佢嘅歌

已经爱上呢只band

可惜已经散咗咁耐…………

真係曲终人散

Judy And Mary

成为我近期最爱

虽然係休学

开咗学未够一个月

但思校病居然发生喺我身上

前所未有嘅渴望感

好想好想翻学校………………

美院！！！！

阴晴圆缺

好耐都冇上来写D嘢咯

呢段时间真係几有趣

人生好似变得更加精彩

又或者讲可能因此会发生一D改变

直到对上嗰次写嘢为止

一直都因为电脑被偷而搞到冇心情

当然电脑好快就买翻

但因为被偷一事令我睇到更多世界所谓真实嘅一面

伴随大学最后一课文化课完试大学三年生活结束

休学亦已成定局

呢一年本来係纯为咗丰富一下经验令自己毕业之后更有把握去实现野心

但因为发生咗一D意外

令到我负担更大

我必须喺呢年内揾到一大笔钱

所以计划要重新拟定

而且变得难以控制

呢一年会发展成点我而家只可以一笑置之

而且我居然开始寄望于运气

不过点都好啦

呢年点都唔会浪费嘅

呵呵呵呵呵呵…………………………

暑假本来都有好多娱乐计划

想好好地放好呢个假期再开始博命

但我都话意外D嘢真係太难讲

旅游嘅计划成为炮影

不过即使係咁都算过得唔错

起码识到一班好热血嘅高中生

好似做翻个死o靓仔

揾翻一D高中过把瘾嘅生活

最搞笑係我居然喺暑假期间突然冒起一个想做老师嘅谂法

讲比朋友知比人笑到傻

红毛直头叫我唔好去毒害人

不过算啦

以前高中班主任比咗一个机会我做咗半日老师

同高三8班上咗两节班会课

感觉真係好正

D学生我真係好欣赏

可惜比学校压到冇晒自我

令我更想做一个老师

更想教D学生点样去玩！！！

所以今年好想去考一个教师资格证

呵呵呵呵呵呵………………

不过做咗老师就冇办法揾到1亿

所以其实都几矛盾

希望命运女神可以眷顾一下我

等我做一个荼毒生灵嘅亿万富翁级老师啦

咔咔咔咔咔咔咔咔咔咔……………………

最近思绪有D混乱

记忆力日渐减退

最怕发生嘅事渐渐向我迫近

特别係一D人名同样貌

开始变得好模糊

要好努力集中精神先会勉强记得起

好怕呢种感觉

慢慢失去记忆嘅感觉好惨

每晚训觉前半梦半醒嘅状态时

总会记起某D重要嘅嘢

但每次呢个时候猛地清醒想更清楚记住係乜嘢嘅时候

呢种记忆又会马上消失得无影无踪

无论点努力去谂都记唔翻起

有时候

脑突然萌发出某段记忆

好似好真实咁存在过

但详细去谂下又好似根本未发生过

完全唔记得係几时喺边度发生过

现实同我自己嘅幻想越来越模糊

甚至有时根本分唔到究竟係事实定只係我自己嘅幻想

点解会咁？？？

係现实太虚假、定係我想像得太真实

以前经常听到“记忆嘅碎片”呢个词

我一直都唔理解

记忆应该係一条过

我而家终于明白

我而家嘅记忆变得零零碎碎

完全冇办法连翻成一条线

睇嚟我而家好需要去睇医生

“必须要有失去一切嘅心理准备”

我嘅预言当中有咁样一句

我真唔希望会係记忆………………

呢几日好闷

又係为咗等——等星期四翻屋企

9号係老母生日

一直都唔知应该送D乜

不过算啦

佢乜都有，送个蛋糕就算喇

因为实在太无聊

买咗一大堆动画DVD同狂上网down动画连续剧

每日就係上网、睇片、食饭同训觉

因为实在买咗太多游戏

反而提唔起兴趣去玩

总係老想法——总会有时间玩

重温咗《hunter X hunter》同睇咗《电车男》

开始总觉得我点会沦陷到连《电车男》呢种无聊片

但睇完之后想法完全改变晒

《电车男》喺某程度上的确比到我一D满足感

净係睇住伊东美咲个靓样已经兴奋到不得了

咔咔咔咔咔咔咔咔咔咔…………

不过讲真

呢种童话式爱情故事又真係会令人揾翻一D天真

年纪越来越大

有好多天真嘅谂法就会越来越少

唔係唔会去谂

係唔敢去谂

总会有一有天真谂法就会觉得自己幼稚

但认真谂翻下

可能呢种幼稚先係自己最本质最宝贵嘅嘢

《电车男》更令我明白一样嘢

电车男因为恋爱而令佢原本刻板无聊嘅生活丰富起来

而我嘅生活已经丰富到自己都忙唔过来

所以结论係————我根本未需要恋爱

不过

如果日日都可以识到靓女一齐食饭咁都无所谓嘅

忙D都应酬下啦

嘻嘻嘻嘻嘻嘻嘻嘻嘻嘻嘻嘻…………

今日为咗捧琴爷场去咗睇band show

实在感触良多

好想再玩翻band，真係好想好想…………

以前玩band嘅片段今晚又历历在目

嗰种快感又一次燃烧已经冷却咗5年嘅身体

好想再拿翻起昔日嘅老伙伴——Bass

好想再重振当年热血嘅bassman

不过

对于而家嘅我来讲

玩band变成咗一种幻想、变得遥不可及………………

我真係好羡慕今日可以站喺舞台上玩band嘅band友

就算有D水平并唔高

但至少佢哋可以有条件去玩佢哋中意嘅音乐

至少佢哋揾到一班热血嘅人一齐去玩

要有得必会有失

的确——现实始终係现实

前两日

终于完成咗一张自己最想画嘅画

大学生涯以来第一次画自己想画嘅嘢

虽然外界评价very very低

但对我来讲根本就冇所谓

我终于都画咗一张我最中意嘅画

以前我所画嘅画冇keep过一张

但呢张我会好好珍藏！！！

不见天日

神是否不存在情绪？？

神到底是否会产生矛盾？？？

神究竟是否需要安躺？？

神是否需要有回忆？？

我到底是不是神？

她又再次喺我梦境出现

她始终如天使般美丽

她永远都唔会衰老

我曾经尝试过将她嘅一切喺我记忆中消除

我曾话比自己知

她并唔真实

她只係我自己用念力捏造出来鼓励自己渡过难关嘅幻象

她并冇真实出现过喺我嘅生命中

只要难关渡过咗佢就会消失

她——只係我想像中嘅女神

但事实上

我并唔係神

但她却係实实在在嘅女神

她永远伴随我左右

见证我嘅一切

一次、又一次、再一次

她总会喺我极度困惑嘅时候出现喺我面前

她永远都係咁年轻

永远都係咁美丽

当我清醒嘅时候

佢又再一次离我而去

当我清醒嘅时候

佢又再一次成为幻象

到呢一刻我先知道

我好惊佢离开我嘅记忆

好惊有一日我会完全忘记晒佢嘅一切

一谂到呢度

心就会产生一种莫名嘅悲痛

真係好痛

泪水只能喺心入面翻滚

但始终都释放唔到出来

原来哭唔出係咁痛苦…………

哈哈哈哈哈哈哈

我实在生活得太安逸喇

对唔住

我应该生活喺孤独同悲伤嘅世界入面

因为只有咁样

只有咁我先可以永远见到你

“DeeLong，好有磁性嘅名”

我永远都唔会忘记你同我讲嘅第一句话

我将会用我剩下嘅生命为你演奏属于你嘅安魂曲

好好休息吧

我嘅女神……………………

阴阴湿湿

梦想的七月将会迎来新世界

必须要拜候一位文化智者

他将测试我的整体能力

要得到赏识必先提高自身能力

未来一年决定一生成就

必须要有失去现有一切的心理准备

眼前的权利欲望等待时日再次夺回

魔鬼的软弱将会令一年的月份失去一部分

天使在剩下的月份将会演奏第九交响乐

残酷的九月份会令共同体陷入混沌

严重的抑郁病将再次降临

一年之约的光辉将永远指向遥远的东方

终于办好咗休学手续

而且仲办埋转工作室嘅手续

下一年嘅九月份就可以到5工作室自由咁画画

总算实行咗计划嘅第一步